【做家務都可以好有動力】
相信好多人對做家務都無咩動力，總會諗到一大堆唔想做嘅理由。其實做家務可以增加活動量而達到瘦身效果。有研究發現，集中做兩個鐘頭嘅家務平均可以消耗600卡路里，比起跑步5公里先至消耗374卡路里，原來仲要多！
今日魚丸就想同大家分享平時我哋日常嘅幾種家務能夠消耗嘅熱量啦~
抹窗：每30分鐘平均燃燒172卡路里
抹窗需要舉高隻手，重複打圈嘅動作，係收緊雙臂肌肉嘅好機會。
掃地、拖地：每30分鐘平均燃燒145卡路里
掃地同埋拖地30分鐘，就等於使用15分鐘嘅跑步機。
吸塵：每30分鐘平均燃燒129卡路里
吸塵嘅時候因為要同時清理櫃頂、梳化底等細微部位而需要上下走動，可以運用到全身嘅肌肉。
刷浴缸：每15分鐘平均燃燒100卡路里
將浴缸上嘅污垢刷走的確需要出啲力氣，持續15分鐘相當於做30個「深蹲跳」，而刷浴缸特別需要用到肩膀同埋手臂嘅肌肉，仲可以順便鍛鍊二頭肌。
#滾續達人 #家務減肥法 #一舉兩得 #屋企乾淨晒 #個人又fit晒
Search